ԵՐԵՎԱՆ, 23 հոկտեմբերի — Sputnik. Այս պահի դրությամբ Հայաստանի արտաքին պարտքը կազմում է 6,3 մլրդ ԱՄՆ դոլար, ասաց ՀՀ ֆինանսների նախարար Վարդան Արամյանը։
«Կառավարության պարտքը ՀՆԱ-ի նկատմամբ կազմում է 5,5 մլրդ դոլար։ 2016-ի համեմատ այս տարեվերջին պարտքի աճ կլինի։ Մինչև տարեվերջ Հայաստանի պարտքը կհասնի 6,7 մլրդ դոլարի»,- ասաց Վարդան Արամյանը։
Նախարարը նշեց, որ նախատեսում են 2018 թվականից իջեցնել պարտք-ՀՆԱ ցուցանիշը։
Նա խոսքով՝ 2018 թվականին կանխատեսվում է, որ պետական պարտքը նախորդ տարիների համեմատ կաճի ավելի դանդաղ տեմպով, որի արդյունքում ՀՆԱ-ի նկատմամբ պետական պարտքի ցուցանիշը կնվազի 1 տոկոսային կետով։
