ԵՐԵՎԱՆ, 19 հոկտեմբերի — Sputnik. Ադրբեջանը ցույց տվեց, որ ի զորու չէ կատարել իր իսկ ստանձնած միջազգային պայմանավորվածությունները։
«Սա կրակոց է ոչ միայն Հայաստանի, այլև ժնևյան պայմանավորվածությունների վրա»,- ասել է ՀՀԿ խոսնակ Էդուարդ Շարմազանովը՝ անդրադառնալով Արցախում այսօր ադրբեջանական կողմի կրակոցով հայ զինծառայողի սպանությանը։
Էդուարդ Շարմազանովը նշել է, որ ժնևյան հանդիպումից ու զոհերը կանխելու հայտարարությունից օրեր անց Ադրբեջանի կողմից Արցախի սահմանում հայ զինվորի սպանությունը վկայում է այդ երկրի խոսքի ու գործի անհամապատասխանությունը։
«Ադրբեջանը պատրաստ չէ կառուցողական բանակցությունների»,- ասել է նա։
Շարմազանովն ընդգծել է, որ ստեղծված իրավիճակում Հայաստանը սպասում է միջազգային հանրության ուղիղ ու հստակ արձագանքներին։
