ԵՐԵՎԱՆ, 15 հոկտեմբերի — Sputnik. Հայաստանն, ամենայն հավանականությամբ, 8 ամսով կհետաձգի ԵԱՏՄ-ի ծխախոտային նոր տեխնիկական կանոնակարգի կատարումը, որը ուժի մեջ կմտնի նոյեմբերի 15-ին, հայտնում է «Կոմերսանտը»:
Նոր տեխնիկական կանոնակարգի համաձայն, որը պետք է ուժի մեջ մտնի նոյեմբերի 15-ից, տուփերի վրա անհրաժեշտ է մեծ չափերի սասրափազդու նկարներ տեղադրել, սակայն հայկական գործարանները չեն հասցնում վաճառել հին պիտակներով արտադրանքի մեծ պահուստները:
«Կոմերսանտի» տեղեկության համաձայն` ԵԱՏՀ որոշման նախագծով ենթադրվում է Հայաստանին հնարավորություն տալ՝ ժամկետը երկարացնելով մինչև 2018-ի հուլիսի 15-ը:
ԵՏՀ մամուլի ծառայությունում «Կոմերսանտի» թղթակցի հետ զրույցում հաստատել են Հայաստանից նման առաջարկ ստանալու փաստը, որն այժմ քննվում է: ԵՏՀ կոլեգիայի նախագահ Տիգրան Սարգսյանին սեպտեմբերի 28-ին այս հարցով դիմել էր ՀՀ փոխվարչապետ Վաչե Գաբրիելյանը: Որպես պատճառաբանություն նշվել է ներքին շուկայի համար տեղական արտադրության ծխախոտի հսկայական քանակը:
Ընդ որում, ինչպես նշում են փորձագետները, եթե Հայաստանի խնդրանքը բավարարվի, դա մրցակցային առավելություն կտա իր արտադրանքին Ռուսաստանում:
ԵՏՀ դրական պատասխանի դեպքում, մյուս արտադրողները, որոնք 18 ամսում հասցրել են նախապատրաստվել, կհայտնվեն ոչ հավասար մրցակցային պայմաններում, ասել են ռուսական ընկերություններից մեկում:
Ըստ ՀՀ Ազգային վիճակագրական ծառայության, 2016-ին ՀՀ-ում արտադրվել է 23,7 մլրդ հատ ծխախոտ, ինչը 30 տոկոսով ավելի է նախորդ տարվա նույն ժամանակահատվածի ցուցանիշից:
