Երևանի օրը կնշենք առանց անձրևի ու ամպրոպի. եղանակի տեսություն

ԵՐԵՎԱՆ, 14 հոկտեմբերի — Sputnik. Հանրապետության տարածքում հոկտեմբերի 14-ին սպասվում է առանց տեղումների եղանակ: 15-16-ը շրջանների զգալի մասում, 17-18-ը առավելապես հյուսիսային շրջաններում երեկոյան ժամերին սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում:

Օդի ջերմաստիճանը 16-17-ը՝ հատկապես գիշերը, կնվազի 3-4 աստիճանով:

Երևանում հոկտեմբերի 14-ին սպասվում է առանց տեղումների եղանակ: Հոկտեմբերի 15-16-ը՝ երեկոյան ժամերին, առանձին հատվածներում սպասվում է, 17-18-ը հնարավոր է կարճատև անձրև և ամպրոպ: Ցերեկը կլինի 22-24, իսկ երեկոյան՝ 14-16 աստիճան տաքություն։

Երևան քաղաքի հոկտեմբերի 14-ի բազմամյա կլիմայական տվյալներ.

•       Օդի առավելագույն ջերմաստիճան՝          27.80C (1997 թ.),

•       Օդի նվազագույն ջերմաստիճան՝              0.80C (1999 թ.),

•       Օդի միջին օրական ջերմաստիճան՝          14.00C։