ԵՐԵՎԱՆ, 13 հոկտեմբերի — Sputnik. Հայ մարզիկներին չհաջողվեց մրցանակային տեղեր զբաղեցնել թաեքվոնդոյի մինչեւ 15 տարեկանների Եվրոպայի առաջնությանը։ ՀԱՕԿ լրատվականի հետ զրույցում այս մասին հայտնել է Հայաստանի թաեքվոնդոյի ֆեդերացիայի փոխնախագահ եւ գործադիր տնօրեն Վարդան Ղահրամանյանը:
«Մի քանիսը կարողացան հաղթել 1-2 գոտեմարտում, բայց դա բավարար չէր: Տղաները միջազգային փորձի պակաս ունեն»,- ասել է նա:
Նրա խոսքով` ձգտում են այդ բացը ներքին առաջնություններով լրացնել:
Հերթական առաջնությունը կանցկացվի «Դինամոյում» հոկտեմբերի 21-ին:
