ԵՐԵՎԱՆ, 11 հոկտեմբերի — Sputnik. Քաղաքապետարանը պահանջում է դատական ճանապարհով Վարդան Ղուկասյանից բռնագանձել 359 հազար 341 դրամ գույքահարկը: Հայցն արդեն ընդունվել է վարույթ, իսկ դատավորն էլ Էդվարդ Նահապետյանն է, որը, «Ժողովուրդ» օրաթերթի տեղեկություններով, Վարդան Ղուկասյանի մտերիմներից է:
Ըստ թերթի Վարդան Ղուկասյանը պնդում է, որ այդ գումարն արդեն վճարել է։
«Յա, յա, յա, դուք այդպես ուզում եք իմանալ, թե ես վճարել եմ կամ ինչու չեմ վճարել, բոլորն էլ մենք վճարել ենք»,- ասել է նա:
«Անհասկանալի է մնում, թե այդ դեպքում ինչու է քաղաքապետը դատարան մտել»,-գրում է թերթը:
