ԵՐԵՎԱՆ, 10 հոկտեմբերի — Sputnik. Ռուսաստանի բռնցքամարտի առաջնության բրոնզե մեդալակիր դարձավ Կրասնոդարի երկրամասի ներկայացուցիչ Անատոլի Գրիգորյանը։ Այս մասին հայտնում է tvkrasnodar.ru-ն։
Բռնցքամարտիկը չորս մենամարտ անցկացրեց, որոնցից երեքում հաղթեց Մոսկվայի մարզի, Նովոսիբիրսկի և Մախաչկալայի մրցակիցներին։
Կիսաեզրափակիչ փուլում Գրիգորյանը պարտվեց Ուֆայի ներկայացուցիչ Արթուր Սուբխանկուլովին։
Ռուսաստանի առաջնությունում Կրասնոդարի երկրամասը միակ մեդալը նվաճեց Գրիգորյանի շնորհիվ։
