ԵՐԵՎԱՆ, 10 հոկտեմբերի — Sputnik. Հոլիվուդի լեգենդ, դերասան, պրոդյուսեր, ռեժիսոր, սցենարիստ Ջոն Մալկովիչն այսօր այցելեց Ծիծեռնակաբերդի հուշահամալիր, ծաղիկներ դրեց անմար կրակի մոտ՝ հարգանքի տուրք մատուցելով Հայոց ցեղասպանության զոհերի հիշատակին։
Հայոց Ցեղասպանության թանգարան-ինստիտուտում շրջայցից հետո նա գրառում թողեց թանգարանի հուշամատյանում հոլիվուդյան աստղ Ջոն Մալկովիչը։
«Ցավոտ դաս»,- գրեց հոլիվուդյան աստղը։
![Джон Малкович посетил Мемориал жертв Геноцида Армян в Цицернакаберде Джон Малкович посетил Мемориал жертв Геноцида Армян в Цицернакаберде - Sputnik Արմենիա](https://cdn.am.sputniknews.ru/img/899/33/8993343_0:0:1600:1068_600x0_80_0_0_9fac4ae240cf94854d4576e150113514.jpg)
Հայտնի դերասանը խոստովանեց, որ ցնցված է տեսածից ու լսածից։
«Սա ցավոտ դաս էր, սարսափելի պատմություն, թե բացառապես ինչ հիմար պատճառներով մարդիկ կարող են նման արարքներ անել»,-ասաց Մալկովիչը։
![Ջոն Մալկովիչը Ծիծեռնակաբերդում Ջոն Մալկովիչը Ծիծեռնակաբերդում - Sputnik Արմենիա](https://cdn.am.sputniknews.ru/img/899/34/8993407_0:0:1600:1005_600x0_80_0_0_c9c1d35ccf9ca01573af8ee39012d2fe.jpg)
![Ջոն Մալկովիչը Ցեղասպանության թանգարան–ինստիտուտում Ջոն Մալկովիչը Ցեղասպանության թանգարան–ինստիտուտում - Sputnik Արմենիա](https://cdn.am.sputniknews.ru/img/899/32/8993203_0:31:1600:1036_600x0_80_0_0_3da61aca09deaa9f78e94b60ed366d35.jpg)
![Ջոն Մալկովիչը Ցեղասպանության թանգարան–ինստիտուտում Ջոն Մալկովիչը Ցեղասպանության թանգարան–ինստիտուտում - Sputnik Արմենիա](https://cdn.am.sputniknews.ru/img/899/33/8993343_0:63:1599:1068_600x0_80_0_0_8dec2b9fd29ae78fb46ce0b6a4890915.jpg)
Մալկովիչը Երևան է ժամանել՝ մասնակցելու Արամ Խաչատրյանի անվան 5-րդ փառատոնի բացմանը, որը նախանշված է հոկտեմբերի 11-ին։
Նա դիրիժոր Սերգեյ Սմբատյանի ղեկավարությամբ հանդես կգա Հայաստանի պետական երիտասարդական նվագախմբի հետ։
Մալկովիչը կներկայացնի հատված Էռնեստո Սաբատոյի «Հերոսների և գերեզմանների մասին» նովելից՝ 20-րդ դարի 2-րդ կեսի ամենանշանավոր կոմպոզիտորներից մեկի՝ Ալֆրեդ Շնիտկեի դաշնամուրի և նվագախմբի համար գրված կոնցերտի ուղեկցությամբ։ Որպես մենակատար հանդես կգա ճանաչված դաշնակահարուհի Անաստասիա Տերենկովան։
Համերգային ծրագիրն ունենալու է հետաքրքիր ձևաչափ՝ միաձուլելով երաժշտությունը, գրականությունը, ասմունքն ու մեծ դերասանի կատարողական վարպետությունը։