ԵՐԵՎԱՆ, 9 հոկտեմբերի — Sputnik. ՀԱՊԿ-ի անդամ յուրաքանչյուր երկրում 7 լավ զինված բանակի առկայությունը կբարձրացնի կազմակերպության հանդեպ վստահությունը: Այդ մասին հայտնել է ՀԱՊԿ գլխավոր քարտուղար Յուրի Խաչատուրովը
«Այս տարի մենք իրականացնում ենք արագ արձագանքման աավաքական ուժերի զորավարժությունների ամբողջական փուլ երկու շրջանում՝ Կովկասում և Կենտրոնական Ասիայում: Դրանք անցնում են «Մարտական եղբայրություն-2017» գործառնական-ռազմավարական զորավարժությունների տեսքով»,- ասել է Խաչատուրովը:
Նրա խոսքով՝ «Որոնում-2017» մարտավարական հատուկ զորավարժությունը հաջողությամբ իրականացվել է ՀԱՊԿ անդամ պետությունների զինված և հետախուզման ուժերի միջոցների հաշվին:
Մասնակիցներն, ըստ Խաչատուրովի, ցույց են տվել հետախուզական աշխատանքներ կատարելու և հատուկ գործողություններ իրականացնելու մեծ հմտություն և փոխօգնություն:
«1000 մասնակիցը հատուկ ուժերի և հետախույզների համար լուրջ թիվ է: CRRF- ի զորավարժությունները կազմակերպության ձևաչափում մենք համարում ենք շատ հիմքային»,- ասել է Խաչատուրովը:
Նա նշել է, որ 2009 թվականից ի վեր շատ բան է իրականացվել վերազինման, վերապատրաստման համար:
«ՀԱՊԿ երկրների բոլոր ղեկավարները մեկ պատկերացում ունեն մեր կազմակերպության ապագայի մասին: Ամենակարևորն այն է, որ յուրաքանչյուր երկրում զինված ուժերը դառնան ավելի հզոր և պատրաստված»,- ասել է Խաչատուրովը:
«Գործընկերություն-2017» զորավարժությունները մեկնարկել են հոկտեմբերի 9-ին և կտևեն հինգ օր: Զորավարժություններին մասնակցում է շուրջ 700 զինծառայող և ավելի քան 120 ռազմական տեխնիկա: «Փոխգործակցություն —2017-ը» անցկացվում է հավաքական անվտանգության պայմանագրի կազմակերպության (ՀԱՊԿ) հավաքական արագ արձագանքման ուժերի «Մարտական եղբայրություն —2017» գործառնական-ռազմավարական զորավարժության միասնական հայեցակարգի շրջանակներում:
