ԵՐԵՎԱՆ, 9 հոկտեմբերի — Sputnik. Հանրապետության տարածքում հոկտեմբերի 9-ին և 13-ի ցերեկը սպասվում է առանց տեղումների եղանակ: Հոկտեմբերի 10-12-ը և 13-ի գիշերը առավելապես հյուսիսային շրջաններում սպասվում է կարճատև անձրև և ամպրոպ: Այս մասին նշված է ՀՀ արտակարգ իրավիճակների նախարարության կայքում։
Քամին հարավ-արևմտյան՝ 3-8 մ/վ արագության, ամպրոպի ժամանակ հնարավոր է ուժգնացում՝ 15-20 մ/վրկ:
«Օդի ջերմաստիճանը հոկտեմբերի 9-ին կբարձրանա 2-3 աստիճանով»,- նշված է հաղորդագրության մեջ:
Երևանում հոկտեմբերի 9-ին, 13-ին սպասվում է առանց տեղումների եղանակ: Հոկտեմբերի 10-12-ը հնարավոր է կարճատև անձրև և ամպրոպ:
Այսօր` հոկտեմբերի 9-ին, մայրաքաղաքում օդի ջերմաստիճանը ցերեկային ժամերին կկազմի 24-26 աստիճան, գիշերային ժամերին` 8-10 աստիճան տաքություն։
