ԵՐԵՎԱՆ, 7 հոկտեմբերի — Sputnik. ՀԱՊԿ ուժերը պատրաստ են Հայաստանին օգնության հասնել անհրաժեշտություն դեպքում, շաբաթ լրագրողներին հայտնել է ՀԱՊԿ միացյալ շտաբի պետ, գեներալ-գնդապետ Անատոլի Սիդորովը:
«Բոլորս գիտենք Հայաստանի ցավի և խնդրի, առկա հակամարտության մասին: ՀԱՊԿ ուժերը կազմակերպության կանոնադրության համաձայն` պետք է պաշտպանեն անդամ-պետությունների ինքնիշխանությունն ու տարածքային ամբողջականությունը»,- ասել է նա:
Նրա խոսքով` որոշումն այդ մասին ՀԱՊԿ-ն ընդունում է կոնկրետ երկրի կողմից իրեն դիմելուց հետո: Եթե ՀԱՊԿ անդամներից մեկին իրական օգնություն պետք լինի, ՀԱՊԿ ուժերը պատրաստ են այն ցուցաբերել, ավելացրել է Սիդորովը:
«Հայաստանն այդ հարցում պետք է կասկած չունենա»,- ընդգծել է ՀԱՊԿ միացյալ շտաբի պետը:
Նրա խոսքով` կազմակերպությունը շուրջ 200 հազար լավ պատրաստված զինծառայող ունի, որոնք պատրաստ են արձագանքելու ցանկացած պահի և ցանկացած ուղղությամբ:
