ԵՐԵՎԱՆ, 3 հոկտեմբերի – Sputnik. Հայկական ծագում ունեցող ռուսաստանցի հրաշամանուկ Արթուր Չելակը գտել է Հայաստանի` ոչ պատերազմական ելքը դեպի ծով։ Այն մասին, թե ինչպես Հայաստանը կարող է դա անել, Չելակը պատմել է Sputnik Արմենիայի հետ զրույցում։
Հայաստանն ու ծովը
Դեպի ծովը ելք չունեցող երկիրը կարող է գտնել այն, դրանում ոչ մի բարդ բան չկա, վստահ է 12–ամյա հրաշամանուկը։
«Իրականում, դրանում ոչ մի առանձնահատուկ բան չկա, շատ երկրներ արտասահմանում ռազմածովային կայաններ ունեն։ Օրինակ, Ռուսաստանի ռազմածովային կայանը Միջերկրական ծովում Սիրիայի մոտ։ Այնտեղ հզոր ռուսական նավեր կան։ Այդպիսի օրինակներ շատ կան։ Դա հնարավոր է»,– ասում է Արթուրը։
Նրա խոսքով` ծովային երկրները, որոնք դեպի օվկիանոս ելք չունեն, որպես կանոն, ձգտում են ստանալ այդ ելքը, այնտեղ իրենց կայանները տեղակայել։
«Օրինակ, Ռուսաստանը Թուրքիայի հետ խնդիրներ ուներ Բոսֆոր ու Դարդանելի նեղուցների պատճառով։ Թուրքերն արգելեցին ավիակիրներին անցնել։ Հետաքրքիր է ռուսական ավիակիր հածանավի օրինակը։ Ընդհանուր առմամբ, այն ավիակիր էր, դրա համար էլ թողեցին Բոսֆորի ու Դարդանելի նեղուցներով անցնի»,– ասաց Sputnik Արմենիայի զրուցակիցը։
Միջերկրական ծովի կայանը տնտեսում է վառելիքը, կարծում է նավաշինության ոլորտի պատանի գիտակը։
Մի քիչ Այվազովսկու մասին
Արթուրի պապը հեռավոր նավարկության կապիտան էր, սիրում էր ծովանկարիչների կտավները, մասնավորապես` Հովհաննես Այվազովսկու նկարները։ Սերն անվանի նկարչի կտավների նկատմամբ պապից թոռանն է փոխանցվել։
«Այվազովսկին շատ հստակ էր նավերը պատկերում։ Նրա կտավներում ամեն ինչ, ասես, իրական լինի։ Համ էլ նկարչի կտավները կոնկրետ փաստերի մասին են պատմում»,– ասաց Արթուրը։
Տղան իր կարծիքն ունի նաև հայտնի «Իններորդ ալիք» նկարի վերաբերյալ։
«Նկարի սյուժեն հասկանալի է։ Նավաստիները փոթորկի մեջ են ընկել, նրանց նավը փլուզվել է, մնացել են կայմի վրա։ Կարող է արդյո՞ք մարդը ողջ մնալ այդպիսի փոթորկից հետո։ Նայած՝ ով…»,– ասում է Sputnik Արմենիայի զրուցակիցը։
Տղան խոստովանեց, որ սկսել է հետաքրքրվել նավաշինությամբ դպրոցական նախագծից հետո։ Նրանք ուսումնասիրում էին նորվեգացի հնագետ ու ճանապարհորդ Թուր Հեյերդալի Կոն Տիկի լաստանավը։
12 – ամյա Արթուր Չելյանը մասնակցել է ռուսական Առաջին ալիքի «Золото нации» ու «Лучше всех» հաղորդումներին։
Բարի այդ, Արթուրը շատ բան գիտի նավաշինության ու խոշոր ծովային մարտերի մասին։
