ԵՐԵՎԱՆ, 20 սեպտեմբերի — Sputnik. «Ծովային Հայաստան» երրորդ փառատոնը կկայանա սեպտեմբերի 30–ին Յալթայում, փոխանցում է Новости Крыма–ը։
«Մենք ուզում ենք, որ մարդիկ իմանան Ղրիմում հայերի բազմադարյա պատմության մասին։ Հայերը մեծ ներդրում են ունեցել թերակղզու զարգացման մեջ», – ասել է կազմակերպիչ Արամ Գրիգորյանը։
Փառատոնը կոչվում է «Ծովային Հայաստան»` «Armenia Maritima», որովհետև հենց այդպես է միջնադարում կոչվել Ղրիմի հարավ – արևելյան մասը, ուր բնակվում էին հայերը։ Կազմակերպիչների խոսքով` սա կրոնական կամ քաղաքական տոն չէ, այլ պատմական փառատոն, որը կհետաքրքրի ցանկացած ազգության ու տարիքի հանգստացողներին։
Գալլա–համերգին ներկայացվելու են ոչ միայն հայկական, այլ նաև Ղրիմի այլազգի ստեղծագործական համույթները։
Այս փառատոնով Հայկական ազգային և մշակութային ինքնավարությունը ցանկանում է ամրապնդել Ղրիմի ազգությունների բարեկամությունը, ծանոթացնել հյուրերին ու տեղացիներին հայերի մշակութային ժառանգությանը, գրավել զբոսաշրջիկներին։
