ԵՐԵՎԱՆ, 3 հոկտեմբերի — Sputnik. ՀՀ քննչական կոմիտեի Տավուշի մարզային քննչական վարչությունում նորածնի մահվան փաստով քրեական գործ է հարուցվել։
Ինչպես հայտնում են նախաքննական մարմնից, նախնական տվյալներով` սեպտեմբերի 27-ին ժամը 02:00-ի սահմաններում Տավուշի մարզի բնակչուհին ծննդաբերել է իր առանձնատան պատշգամբում։
Ծննդաբերության ժամանակ ներկա է եղել նրա մայրը, որը ծնվելուց հետո երեխային դրել է պոլիէթիլենային տոպրակի մեջ և գցել հարակից այգում կառուցված արտաքնոցի փոսը:
Կնոջ ներկայացրած բացատրությունների համաձայն՝ երեխան ճիչ է արձակել, ապա լռել, ինչից ինքը ենթադրել է, թե նորածինը մահացել է։
Նախաքննության շրջանակներում նշանակվել են նորածնի դիակի և ծննդկանի դատաբժշկական փորձաքննություններ։
