ԵՐԵՎԱՆ, 29 սեպտեմբերի — Sputnik. ԱՄՆ–ի գլխավորությամբ միջազգային կոնտրահաբեկչական կոալիցիան ընդունեց օգոստոսին իր կողմից իրականացրած ավիահարվածների հետևանքով Իրաքում և Սիրիայում 50 անձանց մահը։ ԻՊ–ի դեմ Inherent Resolve գործողությունների զոհ դարձավ ընդհանուր առմամբ 735 մարդ, հայտնում է ՌԻԱ Նովոստին` հղում անելով այսօր հրապարակած միջազգային կոալիցիայի շտաբի ամենամյա հաշվետվությանը։
Կոալիցիան հայտնում է 185 ահազանգի մասին։
«Դրանցից 168-ը իրականությանը չեն համապատասխանում, երեքը կրկնում են նախորդ տեղեկությունները, 14–ը հավաստի են ճանաչվել, ինչը նշանակում է 50 քաղաքացիական անձանց ոչ կանխամտածված սպանությունը», – գրված է կոալիցիայի հայտարարության մեջ։
Ներկա պահին զոհերի վերաբերյալ ևս 350 ահազանգ ստուգվում է ։
Կոալիցիայի շտաբն ամեն ամիս հրապարակում է Սիրիայում և Իրաքում իր գործողությունների հետևանքով խաղաղ բնակչության շարքում զոհերի մասին հաշվետվություն` պարբերաբար գործողությունների ողջ ընթացքի վերաբերյալ տվյալներ հաղորդելով։
Սակայն փորձագետները նշում են, որ ներկայացված տվյալները, տարբեր են մի շարք մոնիտորինգային խմբերի գնահատականների համեմատ, որոնք վկայում են այն մասին, որ խաղաղ բնակչության շարքում ավելի շատ զոհեր են եղել։
