Իրանը հրթիռային հարվածով ոչնչացրել է Սիրիայի ահաբեկիչներին

ԵՐԵՎԱՆ, 19 հունիսի — Sputnik. Իսլամական հեղափոխության պահապանների կորպուսը (ԻՀՊԿ) հրթիռային հարված է հասցրել ահաբեկիչների ուղղությամբ` Սիրիայի Դեր Զոր քաղաքի մոտակայքում ոչնչացնելով մեծ թվով ահաբեկիչների։ Այս մասին հայտնում է Tansim պարբերականը` հղում անելով ԻՀՊԿ–ի հրամանատարության հայտարարությանը։

«Հարվածը հասցվել է միջին հեռահարության բալիստիկ հրթիռներով երկրի արևելքում գտնվող բազաներին», – ասված է հայտարարության մեջ։

Հիշեցնենք, որ հունիսի 7-ին Իրանի մայրաքաղաք Թեհրանում, իրանական խորհրդարանի շենքում և իմաց Խոմեյնիի դամբարանի մերձակայքում «Իսլամական պետություն» ահաբեկչական խմբավորումն ահաբեկչական գործողություն էր իրականացվել, որի հետևանքով զոհվել էր 43 մարդ:

Իսլամական հեղափոխության պահապանների կորպուսը ահաբեկչություններին մասնակցելու մեղադրանք էր ներկայացրել Սաուդյան Արաբիային։

Իսլամական հեղափոխության պահապանների կորպուսի գլխավոր հրամանատարի տեղակալ բրիգադի գեներալ Հուսեյն Սալամին հայտարարել է, որ Իրանի ահաբեկչություններն անպատասխան չի թողնի և «վրեժ կլուծի ահաբեկիչներից և բոլոր նրանցից, ովքեր կապ ունեն ահաբեկիչների հետ»։

Русская версия