ԵՐԵՎԱՆ, 26 սեպտեմբերի — Sputnik. Իրանական բանակը հնարավոր հարձակումներին դիմակայելու նպատակով սահմանին ավելացրել է զենիթահրթիռային համակարգերի թիվը։ Այս մասին հայտնում է ՌԻԱ Նովոստին` հղում անելով Tasnim գործակալությանը։
26 սեպտեմբերի 2017, 14:39
«Հաթամ ակ Անբիա» ռազմաբազայի հրամանատարի տեղակալ, գեներալ Ալիրեզա Էլհամին հայտարարել է, որ հավելյալ համակարգերի տեղակայումը նպատակ ունի «վճռական պատասխան տալ» Իրանի դեմ ցանկացած ագրեսիայի։
Իրանի արևմտյան շրջանները սահմանակից են Իրաքի Քրդստանին, որտեղ երկուշաբթի անկախության հանրաքվե է անցկացվել։ Թեհրանը դեմ էր այդ հանրաքվեին։
Իրանը Բաղդադի խնդրանքով փակել է Իրաքի Քրդստանի հետ ավիահաղորդակցությունը և ռազմական զորավարժություններ է անցկացնում սահմանին։
