ԵՐԵՎԱՆ, 22 սեպտեմբերի – Sputnik. Նյու Յորքում, ՄԱԿ-ի գլխավոր ասամբլեայի 72-րդ նստաշրջանի շրջանակներում, տեղի է ունեցել ՀՀ և ՌԴ արտգործնախարարներ Էդվարդ Նալբանդյանի ու Սերգեյ Լավրովի հանդիպումը։
Հանդիպման ընթացքում, ինչպես հայտնում է ՀՀ ԱԳՆ–ն, նախարարները քննարկել են Հայաստանի և Ռուսաստանի նախագահների միջև ձեռք բերված պայմանավորվածությունների կատարման ընթացքը։ Անդրադարձ է եղել նաև հայ-ռուսաստանյան դաշնակցային հարաբերությունների օրակարգային մի շարք հարցերին, ինչպես նաև ՄԱԿ-ի գլխավոր ասամբլեայի նստաշրջանի օրակարգային հարցերին:
Էդվարդ Նալբանդյանն ու Սերգեյ Լավրովը դիտարկել են նաև առաջիկայում նախատեսվող բարձր մակարդակի փոխայցելությունների ժամանակացույցը։
Հիշեցնենք` առաջիկայում նախանշված է ՌԴ վարչապետ Դմիտրի Մեդվեդևի այցը Հայաստան։
