ԵՐԵՎԱՆ, 22 սեպտեմբերի — Sputnik. Նախագահ Սերժ Սարգսյանն այսօր ընդունել է Թուրքիայի խորհրդարանի պատգամավոր Կարո Փայլանին, ով Երևան է ժամանել Հայաստան-Սփյուռք համահայկական 6-րդ համաժողովին մասնակցելու նպատակով:
Այս մասին տեղեկացնում է ՀՀ նախագահի մամուլի ծառայությունը։
Կարո Փայլանի հետ զրույցում հանրապետության նախագահը կարևորել համահայկական օրակարգի խնդիրների քննարկմանը նվիրված համաժողովին նրա մասնակցությունը և այդ խնդիրների լուծմանն իր նպաստը բերելու պատրաստակամությունը:
Կարո Փայլանը Սերժ Սարգսյանին ներկայացրել է Թուրքիայի հայ համայնքի ներկայիս վիճակը, Հանրապետության նախագահի հետ զրուցել համայնքային կյանքին առնչվող հարցերի շուրջ, որոնց հայազգի պատգամավորն անդրադառնում է նաև Թուրքիայի խորհրդարանում:
