ԵՐԵՎԱՆ, 19 սեպտեմբերի — Sputnik. Թուրքիայի նախագահ Ռեջեփ Թայիփ Էրդողանի կառավարման ժամանակաշրջանը նման է Օսմանյան կայսրության և Հայոց ցեղասպանության կազմակերպիչներ Ջեմալ և Թալեաթ փաշաների ժամանակաշրջանին, ասել է Թուրքիայի խորհրդարանի հայ պատգամավոր Կարո Փայլանը։
«Թուրքիայում այսօր մութ ձմեռ է, այնպիսին, ինչպիսին եղել է Հայոց ցեղասպանության ժամանակաշրջանում», – ասել է Փայլանը։
Էրդողանական Թուրքիայում տեղ կա միայն մի ժողովրդի, մի կրոնի համար, ավելացրել է Փայլանը։
Նրա խոսքով` մինչև Թուրքիան ժողովրդավարական երկիր չդառնա, Հայոց ցեղասպանության ճանաչման հարցը չի քննարկվի։
Սակայն, քանի դեռ Թուրքիան չի ընդունել այդ ողբերգությունը, այն ժողովրդավարական երկիր դառնալ չի կարող։
