ԵՐԵՎԱՆ, 19 սեպտեմբերի — Sputnik. Հայաստանում դպրոցականները պարտադիր սկզբունքով պետք է սովորեն 2 օտար լեզու՝ ռուսերեն և ընտրություն կատարեն անգլերենի, ֆրանսերենի ու գերմաներենի միջև: Կրթության և գիտության նախարար Լևոն Մկրտչյանը չվարանեց ևս մեկ անգամ շեշտել այս հայեցակարգը:
Sputnik Արմենիայի այն հարցին, թե ինչու է ռուսաց լեզվի պարտադիր դասավանդման շուրջ նման աղմուկ բարձրացել, Մկրտչյանը հստակ պատասխան տվեց՝ այս ամենի հիմքում կոնկրետ քաղաքական նպատակներն են:
«Մենք ունենք ռուսաց լեզվի զարգացման հայեցակարգ, որը 1998-ին ընդունվել է, այն ժամանակ աղմուկ չկար: Իմ կարծիքով՝ կեղծ օրակարգ է և քաղաքականացված»,-ասաց Մկրտչյանը:
Նա նշեց, որ փոքր երկրներն իրենց ազգային լեզվով չեն կարող ստանալ մասնագիտական թարգմանության՝ առկա հսկայական պաշարը: Նախարարը նաև մտահոգություն հայտնեց ֆրանսերենի ու գերմաներենի պահպանման առումով՝ տեղեկացնելով, որ աշակերտներն այս լեզուները շատ ավելի հազվադեպ են ընտրում:
