ԵՐԵՎԱՆ, 18 սեպտեմբերի — Sputnik. Գերմանական Rammstein ռոք-խումբը, որը հայտնի է Du Hast, Sonne, Ich will, Feuer Frei և այլ հայտնի հիթերով, ավարտում է կարիերան։ Այս մասին գրում է Bild-ը:
Խմբին մոտ կանգնած աղբյուրները հայտնել են, որ հաջորդ ալբոմը վերջինը կլինի։ Rammstein-ի անդամները պաշտոնական հայտարարություն դեռ չեն արել։
«Rammstein-ի կիթառահար Ռիխարդ Կրուսպեն ավելի վաղ Blabbermouth.net-ին տված հարցազրույցում նույնպես հայտարարել էր, որ խմբի նոր ալբոմը, հնարավոր է, դառնա վերջինը»,- գրում է կայքը։
Նա նշել է նաև, որ Rammstein-ը մոտավորապես 35 նոր երգ է ստեղծել, սակայն նոր ալբոմի թողարկման օրը դեռ հայտնի չէ։
Գերմանական ռոք-խումբը ստեղծվել է 1994 թվականին Բեռլինում, խմբի վերջին «Liebe Ist Für Alle Da» ալբոմը թողարկվել է 2009 թվականին:
