ԵՐԵՎԱՆ, 16 սեպտեմբերի — Sputnik. Թբիլիսիում ընթացող շախմատի աշխարհի գավաթի խաղարկությունում գրոսմայստեր Լեւոն Արոնյանն անցավ կիսաեզրափակիչ, հաղորդում է Հայաստանի ազգային օլիմպիական կոմիտեն:
Հայաստանցի շախմատիստն ուկրաինացի գրոսմայստեր Վասիլի Իվանչուկի հետ երկրորդ պարտիան ավարտեց ոչ-ոքի: Երկու պարտիաների արդյունքում խաղի հաշիվը 1.5:0.5 է:
Կիսաեզրափակչում Արոնյանը կխաղա Մաքսիմ Վաշյե-Լագրավ (Ֆրանսիա) — Պյոտր Սվիդլեր (ՌԴ) զույգի հաղթողի հետ: Այս դիմակայությունում հաշիվն առայժմ հավասար է՝ 1:1, ամեն ինչ կորոշվի վաղը կայանալիք թայ-բրեյքում:
