ԵՐԵՎԱՆ, 10 սեպտեմբերի — Sputnik. Թբիլիսիում ընթացող շախմատի աշխարհի գավաթի խաղարկության 1/16 եզրափակչի պատասխան պարտիայում հայ գրոսմայստեր Լևոն Արոնյանը սևերով պարտվել է ռուս Մաքսիմ Մատլակովին:
Երեկ կայացած առաջին պարտիայում Արոնյանը սպիտակներով հաղթել էր ռուս շախմատիստին:
Զույգի հաղթողը կորոշվի վաղը կայանալիք թայ-բրեյքի պարտիաներում:
Աշխարհի առաջնությանը մասնակցում է 128 շախմատիստ:
Եզրափակիչ դուրս եկած մարզիկները հավակնորդների մրցաշարին մասնակցելու իրավունք կստանան:
Աշխարհի առաջնությունը կավարտվի սեպտեմբերի 27-ին:
