ԵՐԵՎԱՆ, 9 սեպտեմբերի — Sputnik. Թուրքիայի բանտերում ներկա իշխանությունը քայլ առ քայլ վերականգնում է «կտտանքների ավանդույթը», գրում է հեղինակավոր The Economsit պարբերականը։
Այն անդրադարձել է Թուրքիայում տիրող լարված քաղաքական վիճակին՝ նշելով, որ Թուրքիայի նախագահ Ռեջեփ Թայիփ Էրդողանն իր կառավարման առաջին տարիներին դատապարտում էր կալանավորների դեմ կտտանքները, իսկ հիմա ճիշտ հակառակն է անում։
«Այսօր նույն Էրդողանը վերադարձնում է սարսափելի ավանդույթը։ Բացի բանտերից՝ քրդաբնակ շրջաններում բազմաթիվ են դեպքերը, երբ ռազմական գործողությունների ժամանակ հատուկ ջոկատայինները կտտանքների են ենթարկել քուրդ զինյալների հետ համագործակցության մեջ կասկածվող քաղաքացիների»,- գրում է պարբերականը:
