ԵՐԵՎԱՆ, 6 սեպտեմբերի — Sputnik. Հայտնի շոումեն Գարիկ Մարտիրոսյանը մասնակցում է վերացող կենդանիների պաշտպանությանն ուղղված բարեգործական աճուրդին։
Ակցիային աջակցել ցանկացողները կարող են ձեռք բերել Comedy Club-ի տոմսեր և լուսանկարվել Գարիկ Մարտիրոսյանի հետ։
Աճուրդի կայքում նշված է, որ հանրահայտ շոումենը հրավիրում է երկու անձի ТНТ հեռուստաալիքով ընթացող Comedy Club շոուի նոր եթերաշրջանում նկարահանվելու, ինչպես նաև հնարավորություն է ընձեռում նկարահանումներից հետո լուսանկարվել արտիստի հետ։
Աճուրդը կավարտվի սեպտեմբերի 7-ին։
Բացի Մարտիրոսյանից, բարեգործական աճուրդին մասնակցում են նաև Միսս Ռուսաստան 2007, Միսս Աշխարհ 2008 միջազգային մրցույթի հաղթող Քսենիա Սուխինովան, բռնցքամարտիկներ Կոնստանտին Ցզյուն, Նիկոլայ Վալուևը, դերասան Եվգենի Միրոնովը, երգիչ Օլեգ Գազմանովը և ուրիշներ։
Աճուրդն անցկացվում է 2017 թվականի Արևելյան տնտեսական ֆորումի շրջանակում, որն կկայանա սեպտեմբերի 6-7-ը Վլադիվոստոկում։ Բարեգործական աճուրդի շրջանակում հավաքած գումարը կուղղվի Հեռավոր Արևելքի բնապահպանական նախագծերի իրականացմանը։
