ԵՐԵՎԱՆ, 27 օգոստոսի — Sputnik. Հայաստանում և Ռուսաստանում մեծ ճանաչում ունեցող հաղորդավար, հումորիստ Գարիկ Մարտիրոսյանի կինը՝ Ժաննա Լևինան, իր հումորով չի զիջում ամուսնուն: Սոչիում հայկական ռեստորան այցելելուց հետո նա որոշել է հայերի հետ ընկերություն անելու մասին գրել Ինստագրամի իր էջում:
«Եկա հայկական ռեստորան ուղղահայաց զոլերով զգեստով, իսկ դուրս եկա՝ հորիզոնական զոլերով: Կարծում եմ՝ հայերի հետ ընկերություն անելը ոչ միայն ավելացնում է կարման, այլև՝ քաշը»,- կատակել է հայուհու կինը և զոլավոր հագուստով լուսանկար հրապարակել:
Նրա գրառումը մեկնաբանած օգտատերերը համաձայնել են, որ հայերի պատրաստած խորովածի գայթակղությանը դիմանալն իսկապես բարդ գործ է:
Ոմանք էլ գնահատել են նրա հումորի զգացումը:
«Երբ ձեզ տեսնում էի եթերում, մտածում էի՝ ինչ լուրջ կին է Գարիկի կողքին, բայց հիմա տեսնում եմ, որ հումորի հարցում ձեզ մոտ ամեն ինչ կարգին է»:
Նշենք, որ Գարիկ Մարտիրոսյանն ու Ժաննա Լևինան ամռանը ժամանել էին Հայաստան և այցելել տեսարժան վայրեր:
