ԵՐԵՎԱՆ, 5 սեպտեմբերի – Sputnik. Սիրիայի իշխանական զորքերը Ռուսաստանի ավիացիայի օգնությամբ դադարեցրել են Իսլամական պետության պաշարումը Դեր Զոր քաղաքի շուրջ, Sputnik գործակալությանը հայտնել է ռազմական աղբյուրը։
Նա նշել է, որ առաջին սիրիական տանկը հաղթահարել է գրոհայինների պաշտպանությունը։ Դրան նախորդել է Իսլամական պետության դիրքերի երկարատև գնդակոծումը։
Sputnik–ի տվյալների համաձայն` դեռ վաղ է ասել, որ Դեր Զորի պաշարումն ամբողջությամբ դադարեցված է, սակայն կառավարական ուժերը հույս ունեն առաջիկայում անել դա։
Սիրիայի հակամարտությունը շարունակվում է 2011 թվականից։ Ռուսաստանի Դաշնության օդատիեզերական ուժերը հարվածներ են հասցնում այդ երկրի գրոհայիններին 2015 թվականի աշնանից։
