Դեռ կիրակի օրվանից Բյուրական գյուղի մերձակայքում բռնված հրդեհը չի մարվում: Հրդեհաշիջումը շարունակվել է ողջ գիշեր ու ցերեկ:
Վաղ առավոտյան ուղղաթիռով առավել վտանգավոր տեղամասեր են իջեցվել փրկարար-դեսանտայիններ:Նրանք պետք է տեղայնացնեին ու մարեին կրակը:
ԱԻՆ մամուլի պատասխանատու Գոհար Բաղդասարյանը Sputnik Արմենիայի հետ զրույցում տեղեկացրեց, որ ճանապարհներ և անցուղիներ կան, հնարավոր է տեխնիկա և մարդկային ուժ հասցնել հրդեհի վայր: Հարակից բնակավայրերին վտանգ չի սպառնում:
Հրդեհաշիջման աշխատանքներում ներգրավված են նաև տեղի ուժերը: Դեռևս չկա օդուժի կարիք: Հայաստանն առայժմ ռուսական Իլ-76-ի կարիքը չի զգում: Գործողությունները կշարունակվեն ըստ անհրաժեշտության:
Զրույցը վարեց Դիանա Հարությունյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106)։
