ԵՐԵՎԱՆ, 5 սեպտեմբերի – Sputnik. Հայաստանը 121–րդ տեղն է զբաղեցնում World Happiness Report 2017 վարկանիշային ցուցակի 155 երկրների շարքում։
Ցուցակը կազմող մասնագետները հիմնվել են բնակչության մեկ շնչին հասնող ՀՆԱ–ի տվյալների, նաև առողջապահության մակարդակի, ընտրության ազատության ու այլ բնութագրերի վրա, որոնք արտացոլում են երկրի վիճակը 2014−2016 թվականներին։
Հետազոտության տվյալների համաձայն` մոլորակի ամենաերջանիկ բնակիչները նորվեգացիներն են (առաջին տեղում), դանիացիները (երկրորդ տեղը), իսլանդացիները (երրորդ տեղը)։
Հարևան Վրաստանը զբաղեցրել է 125–րդ տեղը, Ադրբեջանը 85–րդ հորիզոնականում է, Բելառուսը` 67, Ղազախստանը` 60, իսկ Ռուսաստանը` 46։
