ԵՐԵՎԱՆ, 5 սեպտեմբերի — Sputnik. Մոսկվայի «Արարատի» գլխավոր մարզիչ Ալեքսանդր Գրիգորյանը հայտարարել է, որ ակումբը կդադարեցնի գործունեությունը սեպտեմբերի 8-ին կայանալիք «Ռյազանի» հետ խաղից հետո, տեղեկացնում է Sport-Express-ը։
«Ամենայն հավանականությամբ, «Ռյազանի» հետ խաղը վերջինը կլինի: Պատրաստ եմ պատճառները բացատրել այդ հանդիպումից հետո»,- ասել է Գրիգորյանը:
Նա նշել է, որ հատկապես «Արարատ» անունով ակումբն առանց պատճառների չէր դադարեցի գործունեությունը, իսկ պատճառները նա դեռ կպարզաբանի։
«Կան հանգամանքներ, իսկ կա «տղամարդ» բառը: Տղամարդիկ դուրս կգան և կխաղան՝ անկախ հանգամանքներից: Իսկ հետո ամեն ինչ կասեմ մամուլի ասուլիսի ժամանակ»,- հայտնել է Գրիգորյանը:
