ԵՐԵՎԱՆ, 4 սեպտեմբերի — Sputnik. Կիրակի ավելի քան 400 խաղաղ բնակիչ է վերադարձել տուն` Հալեպ, հայտնում է Ռուսաստանի ՊՆ–ն։
«2017 թվականի սեպտեմբերի 3-ին ավելի քան 400 խաղաղ բնակիչ է տուն վերադարձել` Հալեպ»,– գրված է հաղորդագրության մեջ։
Նշվում է, որ Հալեպի հյուսիսում և հարավում գտնվող Թել Ռիֆաթ և Խլիսա բնակավայրեր փախստականների ճամբարներից ավելի քան 40 սիրիական ընտանիք է տեղափոխվել ավտոբուսներով։ Տուն վերադարձող խաղաղ սիրիացիների ընտանիքներին դիմավորում էին նաև Կաֆեր Անտունում, Ահրասում, Ջուբայում և Վախշիում։
Հալեպի այն բնակավայրեր, որոնք նախկինում գտնվում էին ինքնապաշտպանական քուրդ ջոկատների վերահսկողության տակ, խաղաղ բնակիչների վերադարձը հնարավոր դարձավ Սիրիայում հակամարտող կողմերի հաշտեցման ռուսական կենտրոնի միջնորդությամբ ձեռք բերված պայմանավորվածությունների շնորհիվ, նշել են ՌԴ ՊՆ–ում։
ՌԴ գործողություններն՝ ուղղված Սիրիայում հրադադարի ռեժիմի ապահովմանը, թույլ տվեցին կայունացնել իրավիճակը երկրի կենտրոնական և հարավային հատվածներում։ Հաջողությամբ գործում են լարվածության թուլացման երեք գոտի` Սիրիայի հարավում, Արևելյան Գուտայի շրջանում և Հոմսի հյուսիսում։
«Հաշտեցման ռուսական կենտրոնի միջնորդությամբ շարունակվում են աշխատանքներն՝ ուղղված հաշտեցման ազգային կոմիտեներ ձևավորելուն։ Սիրիական իշխանության և ընդդիմության ներկայացուցիչների միջև կանոնավոր դարձած տեսակապերի ընթացքում լուծվում են տարաբնույթ խնդիրներ՝ կապված լարվածության թուլացման գոտիների տարածքներում մարդասիրական օգնության ապահովման, խաղաղ բնակիչների տուն վերադարձի և նրանց անհրաժեշտ օգնություն ցուցաբերելու հետ»,– գրված է հաղորդագրության մեջ։
