ԵՐԵՎԱՆ, 12 հուլիսի – Sputnik. Հալեպում սկսել են վերականգնել հին հայկական տաճարը, որը բազմիցս հարձակման է ենթարկվել իսլամական գրոհայինների կողմից, հայտնում է ՏՎՑ հեռուստաալիքը։
«Հին Հալեպում դեռևս վերջերս արկեր էին պայթում։ Բակերում և հին հայկական եկեղեցու մոտակայքում»,– պատմում է նյութի հեղինակը։
Կռիվների ժամանակ չի տուժել միայն զանգակատունը, թեև դիպուկահարներն անընդհատ կրակոցներ էին արձակում այդ ուղղությամբ։ Լուրջ վնասված են տաճարի պատերը, գմբեթը ոչնչացվել է։
Վերականգնումը մոտ երկու տարի կտևի։ Միջոցների մի մասն օգնեցին հավաքել Հալեպի կրոնական համայնքները, ընդ որում` ոչ միայն քրիստոնեական, այլ նաև իսլամական։
