Օգոստոսի 30-ին տեղեկություն հրապարակվեց, որ Ռուսաստանի առաջին ալիքի լրագրող Աննա Կուրբատովային Կիևում առևանգել են անհայտ անձինք, նստեցրել մեքենան և տարել։
Հեռուստաընկերությունն ավելի ուշ հայտարարեց, որ թղթակցին հավանաբար բերման են ենթարկել Ուկրաինայի անվտանգության ծառայության աշխատակիցները. ավելի վաղ նրա հասցեին սպառնալիքներ էին հնչել։
Ուկրաինայի անվտանգության ծառայության մամուլի քարտուղար Ելենա Գիտլյանսկայան էլ իր հերթին հայտարարեց, որ Ուկրաինայի «ազգային շահերին վնաս հասցնող» գործունեության պատճառով Կուրբատովային արտաքսել են երկրից և 3 տարի ժամկետով արգելել են երկիր մուտք գործել։
Կուրբատովայի խոսքով` արտաքսման հիմնական պատճառն այն է, որ իր սյուժեում Դոնբասի դեպքերը «քաղաքացիական պատերազմ» է անվանել և ոչ թե «ռուսական ագրեսիա»։ Այս մասին հայտնում է ՌԻԱ Նովոստին։
