ԵՐԵՎԱՆ, 31 օգոստոսի — Sputnik. Կոստրոմայի N8 երաժշտական դպրոցի աշակերտ Միսակ Մանուկյանը դարձավ Ռուսաստանի մանկական երգչախմբի մենակատար, հայտնում է Ռոսիա 1 Կոստրոման։
Տղան հայտնի երգչախմբի անդամ է դարձել 2016 թվականի վերջին, մի շարք լսումներից հետո։
Միսակն արդեն հասցրել է հանդես գալ փորձառու երաժիշտների հետ Կոստրոմայի ֆիլհարմոնիկի բեմում։ Իսկ վերջերս տղան իր սոպրանոյով գերել է Հանրապետության օրը նշող Չուվաշիայի բնակիչներին։
Միսակն առաջիկայում ծրագրում է մասնակցել մենակատարների մրցույթին, որն անցկացվելու է «Արտեկ» համառուսաստանյան ճամբարում։
