ԵՐԵՎԱՆ, 28 օգոստոսի — Sputnik. Օգոստոսի 29-ից սեպտեմբերի 2-ը սպասվում է բարձր կարգի հրդեհավտանգ իրավիճակ: Այս մասին նշված է ՀՀ ԱԻՆ մամուլի ծառայության տարածած հաղորդագրության մեջ։
Հանրապետության տարածքում օգոստոսի 29-31-ը, սեպտեմբերի 1-2-ը սպասվում է առանց տեղումների եղանակ:
Քամին կլինի հարավարևմտյան՝ 3-8 մ/վ արագության:
Օդի ջերմաստիճանն էապես չի փոխվի:
Երևան քաղաքում նույնպես սպասվում է առանց տեղումների եղանակ: Այսօր` օգոստոսի 29-ին, մայրաքաղաքում ցերեկային ժամերին կլինի 34-36, գիշերային ժամերին` 19-21 աստիճան տաքություն։
