ԵՐԵՎԱՆ, 28 օգոստոսի — Sputnik. Օգոստոսի 27-ին ահազանգ է ստացվել, որ Խուստուփ լեռան լանջին ծուխ է նկատվում: Այս մասին տեղեկացնում է ՀՀ ԱԻՆ մամուլի ծառայությունը։
Դեպքի վայր է մեկնել մարզային փրկարարական վարչության օպերատիվ խումբը և մեկ մարտական հաշվարկ:
Հրդեհաշիջման աշխատանքներին մասնակցում են 35 հրշեջ-փրկարար և Զանգեզուր կենսոլորտային համալիրից 20 աշխատակից:
Պարզվել է, որ այրվում է 5 հա խոտածածկ տարածք:
Ժամը 20:20-ի դրությամբ հրդեհի ակտիվ օջախներ չկան: Մթության պատճառով հրդեհաշիջման աշխատանքները դադարեցվել են և սահմանվել է հերթապահություն:
