ԵՐԵՎԱՆ, 27 օգոստոսի — Sputnik. 138 փաստաբանի գործադուլի հայտարարությանը շարունակում են այլ փաստաբաններ արձագանքել։ Այս մասին Ֆեյսբուք սոցիալական ցանցում հայտնել է փաստաբան Երվանդ Վարոսյանը։
«Արդեն 144-ն են: Միանում են փաստաբանները, մարդիկ, հայերը, արժանապատիվները»,- սոցցանցի իր էջում գրել է Վարոսյանը:
Նա նաև նշել է, որ ակցիան սպասվածից ավելի մասշտաբային է, ու իր արդյունքն ունենալու է, անտարակույս:
Վարոսյանի խոսքով՝ բոլոր փաստաբաններին ուղարկվել է հայտարարության տեքստը, ովքեր ցանկացել են միացել են:
Նշենք, որ հայտարարությանը միացող փաստաբանները, ի նշան անհամաձայնության, 2017թ. սեպտեմբերի 13-ին հայտարարում են բողոքի ակցիա (պայմանականորեն՝ գործադուլ)՝ հրաժարվելով մասնակցել այդ օրը նշանակված դատական նիստերին:
Փաստաբանները բողոքում են ապօրինի զննությունների և խուզարկությունների դեմ:
