ԵՐԵՎԱՆ, 25 օգոստոսի – Sputnik. Հայաստանն ու Սերբիան պատրաստ են Սիրիայի ականազերծման միջազգային կոալիցիայի անդամ դառնալ, հայտնել է Ռուսաստանի արտաքին գործերի նախարարության ներկայացուցիչ Ալեքսանդր Նովիկովը, փոխանցում է ՌԻԱ Նովոստին։
Տվյալ պահին, նրա խոսքով, ՌԴ պաշտպանության նախարարությունն աշխատանքներ է տանում` Սիրիայի տարածքի ականազերծման կոալիցիայի ստեղծման համար։
«Համապատասխան հաղորդագրություններ էին ուղարկվել Իրանի, Եգիպտոսի, Սերբիայի, Հայաստանի, Թուրքիայի ու ԱՄԷ պաշտպանական գերատեսչություններ։ Իրենց ստորաբաժանումները պատրաստ են ուղարկել Հայաստանն ու Սերբիան, դիտարկվում է չինական սակրավորների ներգրավման հնարավորությունը», – ասաց Նովիկովը լրագրողներին «Բանակ – 2017» ֆորումի շրջանակում։
Սիրիայի ականազերծման միջազգային կոալիցիա ստեղծելու մասին հայտարարությամբ Միջազգային անվտանգության մոսկովյան VI գիտաժողովին այս տարվա ապրիլին հանդես եկավ Ռուսաստանի պաշտպանության նախարար Սերգեյ Շոյգուն։
