ԵՐԵՎԱՆ, 24 օգոստոսի- Sputnik. Նախագահներ Սարգսյանի և Պուտինի՝ Սոչիում տեղի ունեցած հանդիպումը երկու դաշնակից երկրների նախագահների հանդիպում էր, որը ներառում էր երկկողմ հետաքրքրություն ունեցող շատ կարևորագույն հարցեր՝ ռազմաքաղաքական, տնտեսական, հումանիտար և այլ ոլորտներում համագործակցության: Մեկնաբանելով Սարգսյան-Պուտին հանդիպումը` Sputnik Արմենիային ասաց ԱԺ փոխնախագահ, ՀՀԿ խոսնակ Էդուարդ Շարմազանովը։
«Ռուսաստանը մեր կարևորագույն դաշնակիցն է և այս տարիների ընթացքում հայ-ռուսական հարաբերությունները բոլոր ուղղություններով դինամիկ զարգանում են»,-Sputnik-ի հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովը՝ խոսելով երեկ Սոչիում կայացած նախագահների հանդիպումից:
Նա հավելեց, որ հանդիպման ընթացքում քննարկում եղել է նաև Լեռնային Ղարաբաղի, տարածաշրջանային անվտանգության հետ կապված:
Դրա համար, ըստ նրա, երկու պարզ պատճառ կա:
«Առաջինը՝ Ռուսաստանը մեր դաշնակիցն է, և մենք երկուսով գտնվում ենք ՀԱՊԿ-ում: Երկրորդ՝ Ռուսաստանը ղարաբաղյան հիմնահարցում երեք համանախագահող երկրներից մեկն է և այդ կոնֆլիկտում ունի մեծ դերակատարություն»,- նկատեց Շարմազանովը:
Նշենք, որ ՀՀ նախագահ Սերժ Սարգսյանի և ՌԴ նախագահ Վլադիմիր Պուտինի հանդիպումը կայացել էր երեկ` օգոստոսի 24-ին։
