ԵՐԵՎԱՆ, 23 օգոստոսի — Sputnik. Թուրքմենստանի նախագահ Գուրբանգուլի Բերդիմուհամեդովը արդեն Հայաստանում է։ Րոպեներ առաջ նրա ինքնաթիռը վայրէջք կատարեց «Զվարթնոց» օդանավակայանում։
Թուրքմենստանի նախագահին դիմավորեց ՀՀ Էներգետիկ ենթակառուցվածքների և բնական պաշարների նախարարը։
Ինչպես ավելի վաղ տեղեկացրել էինք` նախագահ Սերժ Սարգսյանի հրավերով պաշտոնական այցով Հայաստանի Հանրապետություն կժամանի Թուրքմենստանի նախագահ Գուրբանգուլի Բերդիմուհամեդովը:
Այցի շրջանակներում նախատեսված են Թուրքմենստանի նախագահի հանդիպումները ՀՀ բարձրագույն ղեկավարության հետ:
Հանրապետության նախագահի նստավայրում հայ-թուրքմենական բարձր մակարդակի բանակցությունների ավարտին նախատեսվում է փաստաթղթերի ստորագրման արարողություն:
Նախագահներ Սերժ Սարգսյանը և Գուրբանգուլի Բերդիմուհամեդովը ԶԼՄ-ների առջև հանդես կգան բանակցությունների արդյունքներն ամփոփող հայտարարություններով:
