Զովածների և վիրավորում ստացածների թիվը դեռ ճշտվում է, իրականում զոհերը միշտ ավելի շատ են լինում, քան հաղորդվում է: Ինչպես միշտ տարբեր երկրների նախագահներ, այդ թվում ԱՄՆ նախագահ Թրամփը, կհնչեցնեն ցավակցական խոսքեր: Ինչպես նաև առաջարկություններ՝ օգնելու հետաքննությանը:
Մեքենաների, դանակների և կացինների կիրառումն ահաբեկչության ամենապարզ ու ամենահեշտ ձևերն են, որոնք ո՛չ ծախսեր են պահանջում, ո՛չ նախապատրաստական աշխատանք և նպատակին են հասնում առավելագույն արդյունավետությամբ: Այդ ամենը հասարակական լայն արձագանք է առաջացնում, վախի և խուճապի մթնոլորտ ստեղծում: Բարսելոնայի Լա Ռամբլեր փողոցում իրականացրած ահաբեկչության հետևանքով մահացել և վիրավորում են ստացել առնվազն 18 երկրի քաղաքացիններ (բարեբախտաբար, նրանց մեջ հայեր չկան): Հասել են իրենց նպատակին: Եվրոպայում ապրում են վախով, այնտեղ գալիս՝ մեծ զգուշավորությամբ:
Հեղինակը մեկ անգամ չէ, որ գրել է վերջին ահաբեկչությունների վերաբերյալ (Նիս, Փարիզ, Բեռլին, Լոնդոն) և կոչ է արել առավելագույն կոշտ լինել: Մոտիվացիա՝ ահաբեկիչը չի կարող առանց նոր ահաբեկչություն ծրագրելու, ուրեմն նա չպետք է ապրի: Մնացած ամեն ինչ լիրիկա է: Ավաղ, կրկնությունը՝ մոռացության մայրն է…
Չափազանց նրբանկատ ընդդիմախոսներին ուղարկում եմ Պուտինի մոտ: «Պետք չէ խաղալ բառերի հետ և ահաբեկչներին բաժանել «չափավորների» և «ծայրահեղականների»: Կցանկանայի հասկանալ, թե որն է տարբերությունը: Երևի, որոշ մասնագետների կարծիքով, չափավորները չափավոր քանակությամբ են մարդկանց գլխատում՝ ավելի «բարի» ճանապարհով», — ասում է Ռուսաստանի նախագահը:
Ինչ-որ մեկը կասկածու՞մ է: Առանց սահմանների լիբերալների հառաչանքն ու հոգոցներն, ասենք, էլեկտրոնային հետախուզության անպարկեշտության հետ կապված, տևում են այնքան ժամանակ մինչև նշանառություն տակ է հայտնվում իրենց դուստրը, որդին կամ թոռը: Եթե, Աստված մի արասցե, իրենց զավակն է՝ ամեն ինչ փոխվում է:
Մի օր ամենօրյա առավոտյան զբոսանքի ժամանակ Տրոյ քաղաքում (Միչիգան նահանգ), հեղինակը որոշել է շրջանցել ճանապարհը: Նա հատել է կողքի տան կանաչ տարածությունը և, ինչպես կասեին մեզ մոտ, հետևի դռնից մտել, պայմանական ասած, իր տուն:
Չանցած կես ժամ փողոցում հայտնվեց ոստիկանական մեքենան: Ոստիկանը թակում էր բոլոր դռները և հարցնում՝ արդյու՞ք չեք տեսել այս վայրով 30 րոպե առաջ անցնողին:
«Ինչ-որ չենք նկատել», — ազնվորեն պատասխանեցին վաղ առավոտյան արթնացած հարևանները:
Ոստիկանը ներողություն խնդրեց և գնաց շարունակելու վկանների փնտրտուքը:
Կասկածելի անցորդի մասին, որը ճիշտ ճանապարհից շեղվել և տուն էր մտել սխալ ճանապարհով, ոստիկանությանը հայտնել էր կողքի տան տերը:
Դավաճա՞ն: Ինչպես ուզում եք անվանեք, բայց, եթե իմ փոխարեն իրական հանցագործ լիներ, կորակվեր այլ կերպ՝ զգոն, ուշադիր:
Ինչպե՞ս վարվել, եթե ինչ-որ մեկը կամ ինչ-որ բան կասկածելի է թվում՝ ինքներս ենք որոշում:
