ԵՐԵՎԱՆ, 17 օգոստոսի — Sputnik. Իսպանիայում ՀՀ դեսպանությունը ճշտում է Բարսելոնայում տեղի ունեցած միջադեպի հետևանքով տուժածների թվում հայերի ու ՀՀ քաղաքացիների առկայությունը: Այդ մասին «Արմենպրես»-ին տեղեկացրել են ՀՀ արտաքին գործերի նախարարությունից:
Նշենք, որ մի քանի ժամ առաջ Բարսելոնայում բեռնատարը մխրճվել է մարդկանց բազմության մեջ։ Վրաերթի հետևանքով զոհված անձանց թիվը հասել է 13-ի: Դեպքի հետևանքով վիրավորների թիվը 56 է: Ոստիկանությունը տեղի ունեցածը գնահատել է որպես ահաբեկչություն:
