ԵՐԵՎԱՆ, 16 օգոստոսի – Sputnik. Աստանայում անցկացվող ԷՔՍՊՈ միջազգային ցուցահանդեսին Հայաստանի ազգային օրվա շրջանակներում ողջույնի խոսքով հանդես եկավ Ղազախստանի ներդրումների և զարգացման փոխնախարար Երլան Խայիրով, ով չթաքցրեց, որ թուլություն ունի հայկական խոհանոցի նկատմամբ, հայտնում է Sputnik Ղազախստանը:
«Մեր երկրների միջև գործող առանց վիզայի ռեժիմը, ինչպես նաև Ղազախստանի քաղաքների և ձեր մայրաքաղաքի միջև իրականացվող ուղիղ չվերթները թույլ են տալիս քաղաքացիններին ավելի մոտիկից ծանոթանալ մեր երկրների մշակույթների հետ: Մենք հիանում ենք Հայաստանի գրական և գեղարվեստական ժառանգությունով: Սիրում ենք հայկական խոհանոցը, մեզ նաև մոտ է հայկական հումորը. հատուկ հիշատակման է արժանի հայկական երաժշտական գործիքը՝ դուդուկը, որը հիացնում է իր ձայնով», — ասաց Երլան Խաիրով:
Ազգային տաղավարի օրվա կապակցությամբ հայ պատվիրակությունը պատրաստել էր երաժշտական անակնկալ: Երիտասարդ երգիչ Միքայել Ոսկանյան և Friends ստեղծագործական թիմը, օգտագործելով էթնո-ջազն և ֆոլկ-ֆյուժն, ուկնդիրներին յուրօրինակ կերպով «տեղափոխեցին» Հայաստան:
Անգամ` Չերչիլը…
Իհարկե, հայկական կոնյակը նույնպես ներկայացված էր միջոցառմանը: Հայկական պատվիրակությունը Երևանից Աստանա էր բերել «Արարատ-Դվին» խառնուրդը, որը ստեղծվել է վարպետի` Մարգար Սեդրակյանի կողմից: 10 տարվա հնեցման կոնյակը / 50 աստիճանի/, անտարբեր չթողեց համտեսման մասնակիցներից և ոչ մեկին:
Ասում են, որ կոնյակի այս տեսակը ստեղծվել է հատուկ սովետական բևեռային արշավախմբերի համար: Հենց սրանով է բացատրվում նրա բարձր աստիճանը՝ մոլորակի բևեռային հատվածների հետազոտողներին պետք էր համապատասխան խմիչք:
«Ավելի լավ է լցրու, իսկ մենք կասենք, թե ինչպիսինն է այն», — լսվեց միջոցառման ոչ թերահավատ մասնակիցների կողմից:
Աշխարհի խաղաղության համար խմեցին նաև դիվանագետները, որոնց թվում էր Հայաստանում Ղազախստանի դեսպան պարոն Տիմուր Ուրազաևը և Ղազախստանում Հայաստանի դեսպան պարոն Արա Սահակյանը:
«Պարոն Ուրազաևի աչքերը մեծացան, իսկ իմ՝ փոքրացան», — կատակել է Արա Սահակյանն` ավելացնելով, որ իրենց աշխատանքը չափազանց կարևոր է անվտանգության պահպանման համար. երբ աշխատում են դիվանագետները, լռում են թնդանոթները:
Ամենայն հավանականությամբ, գոհ մնացին և՛ հյուրերը, և՛ տաղավարի տերերը, իսկ զբոսաշրջության կոմիտեի նախագահ Զարմինե Զեթունցյանն ասեց գլխավոր միտքը:
«Մեր մասնակցությունը ցուցահանդեսում լավագույն միջոցն է գործընկերության ամրապնդման համար», — ասել է Զեյթունցյանն` ավելացնելով, որ 2016թ.-ին բավականին ավելացել են Հայաստանի հյուրերը Միջին Ասիայից, նաև Ղազախստանից:
Հյուրընկալությունը, հարմարավետությունը, անվտանգությունը, պատմամշակութային արժեքները Հայաստանի տուրիստական ոլորտի զարգացման հիմնաքարն են, ասել է Հայաստանում զբոսաշրջության պատասխանատուն:
