ԵՐԵՎԱՆ, 16 օգոստոս — Sputnik. Օգոստոսի 16-ին, տեղական ժամանակով ժամը 05:07-ին (Գրինվիչի ժամանակով` 01:07-ին) ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 40.770 և արևելյան երկայնության 44.350 աշխարհագրական կոորդինատներով (Հայաստան, Սպիտակ քաղաքից 10 կմ հարավ-արևելք), օջախի 10 կմ խորությամբ, 2.5 մագնիտուդով երկրաշարժ:
ՀՀ արտակարգ իրավիճակների նախարարությունը հայտնում է, որ ստորգետնյա ցնցման ուժգնությունը էպիկենտրոնում կազմել է 3 բալ:
Նշենք, որ երեկ սեյսմոլոգները 2 ցնցում էին արձանագրել Շիրակի մարզի տարածքում, երկուսն էլ` նույն էպիկենտրոնում (Ամասիա քաղաքի մոտակայքում):
