ԵՐԵՎԱՆ, 14 օգոստոսի — Sputnik, Լաուրա Սարգսյան. Ադրբեջանի փորձերը՝ ներգրավել Իսրայելի մասնագետներին ղարաբաղյան հակամարտության մեջ, շատ վտանգավոր է, կարծում է Քնեսեթի 15-րդ գումարման պատգամավոր Ալեքսանդր Ցինկերը:
Ավելի վաղ հայտնում էին՝ անօդաչու թռչող սարքերի նախագծման և արտադրության մեջ մասնագիտացած իսրայելական Aeronautics Defense Systems ընկերության ներկայացուցիչները, հատկապես, ռազմական և կոմերցիոն անօդաչու թռչող սարքերի, մեկ ամիս առաջ փորձարկել են նոր անօդաչու թռչող սարքը` կամիկաձեն, հայկական դիրքերի վրա: Այդ մասին լուրերը վերջերս հայտնվեցին ԶԼՄ-ներում:
Ինչպես պնդում է հեղինակավոր իսրայելական Maariv թերթը՝ անօդաչու թռչող սարքերի հարվածն արվել է ադրբեջանական կողմի պահանջով` անտեսելով իսրայելական օպերատորի մերժումը:
Դեպքը տեղի է ունեցել ավելի քան մեկ ամիս առաջ, երբ Orbiter 1K անօդաչու-կամիկաձեների գնման մասին պայմանագիր կնքելու նպատակով իսրայելական պատվիրակությունը գտնվում էր Ադրբեջանում:
«Իսրայելական մասնագետներին ղարաբաղյան հակամարտություն ներգրավվելու փորձերը շատ վտանգավոր են, և ես ուրախ եմ, որ իսրայելական ընկերությունը չի համաձայնվել: Մեր զինամթերքի մատակարարներն իրավունք չունեն մասնակցել երրորդ երկրներում տեղի ունեցող ռազմական գործողություններին», — Sputnik Արմենիայի հետ զրույցում ասել է Ցինկերը:
Ակնհայտ է, որ Ադրբեջանի կողմից նման անտեղի հայտարարությունը հայ-իսրայելական հարաբերությունների վերջին առաջադիմությունը կանգնացնելու համար են: Վերջին շրջանում կողմերը խորացնում են երկկողմանի հարաբերությունները: Կյանքի կոչվեց «Հայաստան-Իսրայել» հասարակական ֆորումը, հուլիսին եռօրյա պաշտոնական այցով Հայաստան էր ժամանել իսրայելական պատվիրակությունը` Իսրայելի տարածաշրջանային համագործակցության նախարար Ցախի Անեգբիի հետ:
Ավելի վաղ Sputnik Արմենիայի հետ զրույցում երկկողմանի համագործակցության կոնտեքստում նախարարի այցի կարևորության մասին խոսել էր Հայաստանում Իսրայելի արտակարգ և լիազոր դեսպան Էլիյախու Իեռուշալիմը:
«Երկկողմ հարաբերությունների ակտիվացումից հետո ադրբեջանական մամուլում լուրեր հայտնվեցին, որ հայ-իսրայելական համագործակցությունը դատապարտված է ձախողման», — ասել է Ցինկերը: Իսրայելական ընկերության կողմից Բաքվի պահանջի մերժելու մեջ չկա ոչ մի արտառոց բան:
Aeronautics Defense Systems ընկերությունը տեխնիկայի մատակարարող է հանդիսանում աշխարհի 50 երկրներում: Ընկերության սկզբունքների համապատասխան` պատասխանատվությունը տեխնիկայի, ինչպես նաև օպերատիվ կիրառման համար կրում է գնորդը:
Ընկերությունը երբեք փորձարկում չի անցկացնում մարդկանց վրա: Ընկերությունն աշխատում է միայն Իսրայելի պաշտպանության նախարարության լիցենզիայի հիման վրա: Դա զինամթերք մատակարարողին հետ է պահում կասկածելի գործարքներից:
Տեղի ունեցածն Իսրայելի պաշտպանության նախարարությունում դեռ չեն մեկնաբանում: Հաստատված չէ նաև ինֆորմացիան այն մասին, որ անօդաչու թռչող սարքի օպերատորների մեկին հեռացրել են` ադրբեջանական կողմի պահանջը չկատարելու համար: Իսրայելի պաշտպանության նախարարությանը հետաքննություն է անցկացում:
