ԵՐԵՎԱՆ, 12 օգոստոսի — Sputnik. «ArmenianReport» ադրբեջանական կայքը՝ քողարկվելով հայկական անվան տակ, փորձել է յուղ լցնել ղրղըզստանցի մոդել Սուսաննա Եգորյանի հետ կապված իրարանցման վրա։
Ղրղըզական ԶԼՄ-երում ու սոցիալական կայքերում տարածում է գտնում ծագումով հայ ղրղըզստանցի մոդել Սուսաննա Եգորյանի հետ կապված իրարանցման մասին լուրը: Հիշեցնենք, որ գեղեցկության մրցույթի եզրափակչում աղջիկը ներկայացել էր Հայաստանի ժապավերնով։
Սոցիալական կայքերի որոշ օգտատերեր նրան մեղադրել են «դավաճանության» մեջ։ «Միսս Ղրղըզստան» մրցույթի կազմակերպիչ Տատտիբուբու Սամիդինը հայտնել է, որ «շոկի» մեջ է։
«Ես Սուսաննային Ղրղըզստանի կողմից էի ուղարկել, սակայն չգիտեի, որ նա կհիասթացնի ինձ ու մեր Ղրղըզստանին», — ասել է Տատտիբուբուն։
Ոմանք պաշտպանում էին Սուսաննային, քանի որ մոդելն իր գումարով է մրցույթի մեկնել: Բացի դա World NextTop Model 2017 մրցույթի ձևաչափը թույլ է տալիս ներկայացնել ազգությունը։
Իրավիճակը սրացրեց ադրբեջանական ArmenianReport կայքի (որը ներկայանում է որպես հայկական) հրապարակումը, որը կոչվում էր «Սովորական ղրղըզական ֆաշիզմ»։ Այն կոչ էր անում «չհանդուրժել, որ Ղրղըզստանում անհիմն վիրավորել են էթնիկ հայուհուն»։
Жалко эту девочку, Егорян. Все так обсуждают ее🤷🏼♀️ все такими "патриотами" прям стали🙄
— Kanulya Uzagalieva (@K_Uzagalieva) August 10, 2017
Ղրղըզներին հոդվածում «բարբարոս» են անվանում, իսկ երկիրը՝ «մոռացության մատնված, տնտեսապես, քաղաքապես ու մշակույթի տեսակետից հետամնաց տարածք, որը նույնիսկ չի կարելի երկիր անվանել՝ բնակեցված մարդկանցով, որոնց քաղաքակիրթ աշխարհում ոչ ոք երբեք ձեռք չի մեկնի» և այլն։
Как я и предполагала, Сусанна Егорян поехала на конкурс своим ходом и за свой счет. Так, что ее право решать кого представлять.
— Dolphi (@Chatak_Nichotak) August 10, 2017
Որոշ ղրղըզական ԶԼՄ-եր ու սոցիալական ցանցերի բազմաթիվ օգատերեր, չիմանալով իրականությունը, սկսեցին տարածել այդ հոդվածը՝ մեղադրելով հայկական մամուլին՝ իրենց երկիրն ու ժողովրդին վիրավորելու մեջ։
Սակայն, աստիճանաբար, այդ թվում նաև հայ գործընկերների շնորհիվ, տեղեկությունն այն մասին, որ տվյալ հրապարակումը ոչ մի ընդհանուր բան չունի հայկական ԶԼՄ-երի հետ, սկսվեց տարածվել սոցիալական կայքերի ղրղըզական սեգմետնում։
Все так осудили Сусанна Егорян, как-будто это они ей дали денег на поездку на тот конкурс!
— Beka Eshenaliev (@Bekavana_) August 9, 2017
Когда писали о том,… https://t.co/PyQbdBflHH
Ավելի վաղ տեղեկացրել էինք, որ Եգոյանը նվաճել է առաջին վիցե-միսսի տիտղոսը։ Մեկնաբանելով իր անվան շուրջ ստեղծված իրարանցումը՝ նա հայտնել է, որ զարմացած է բարձրացած աղմուկից։ Նաև նշել է, որ մասնակիցներն իրավունք ունեին ներկայացնել ոչ միայն իրենց երկիրը, այլ նաև ազգությունը։ Եգորյանն ընդգծել է, որ չի դավաճանել Ղրղըզստանին։
