ԵՐԵՎԱՆ, 10 օգոստոսի — Sputnik. Մոդել Սուսաննա Եգորյանը Instagram–ի իր էջում հայտարարել է, որ Ղրղըզստանը չի ներկայացրել` գեղեցկության մրցույթին հանդես գալով Հայաստանի անունից, գրում է Sputnik Ղրղըզստանը։
Ավելի վաղ սոցիալական կայքում լուսանկարներ էին հայտնվել, որոնց վրա երևում է, որ մասնակիցը, որը ՂՀ–ից էր ներկայացված, դուրս է եկել World NextTop Model 2017–ի եզրափակիչ Հայաստանի ժապավենով։
Աղջկա խոսքով` պետությունը չէր նրան մրցույթի ուղարկել։
«Մեզ մոտ այսպիսի կանոն կար. մի քանի ելույթում մենք ներկայացնում էինք մեր երկիրը, մյուսներում` անձնագրում նշված ազգությունը։ Ինձ ու աղջիկներից շատերին երկու ժապավեն էին տվել։ Չեմ հասկանում՝ որտեղի՞ց այս աղմուկը։ Ես չեմ դավաճանել երկիրս։ Թեև շատերն ասում էին, որ ես արժանի չեմ Ղրղըզստանը ներկայացնել, քանի որ ղրղըզ չեմ»,– գրել է 18–ամյա մոդելը։
Sputnik Ղրղըզստանի խմբակցությանը հաջողվել է կապվել միջազգային մրցույթի կազմակերպիչներից լիբանանցի Էլիե Նահասի հետ։ Նա հաստատել է, որ ըստ կանոնների, չորս ելույթների ժամանակ աղջիկները ներկայացնում էին իրենց երկիրը, իսկ երկուսում «կարող էին ներկայացնել իրենց ազգությունը»։
«Ձեր մասնակիցը այդպես էլ արել է։ Նրանից բացի, ևս մեկ աղջիկ է այդպես վարվել», – պարզաբանեց Էլինե Նահասը։
Եգոյանը մրցույթում արժանացել է առաջին վիցե-միսսի կոչմանը։
