ԵՐԵՎԱՆ, 4 օգոստոսի — Sputnik. ՀՀ կառավարության որոշման համաձայն` այս տարի, ինչպես և նախորդ տարիներին, պետական աջակցություն կստանան միայն այն համայնքները, որոնք կարկտից տուժել են 80-100%–ով։ Գյուղնախարարը Sputnik Արմենիայի հետ զրույցում չի թաքցնում, որ դա բավարար չէ գյուղացու հոգսը թեթևացնելու համար, բայց այս պահին գործադիրն այլ հնարավորություն չունի։
Փոխարենը կառավարությունում ծրագրեր են մշակում հետագա տարիներին գյուղացուն կարկտից պաշտպանելու համար։ Դրանցից առաջինը հակակարկտային ցանցեր տեղադրողերին էժան վարկեր տրամադրելն է։
«Մենք հիմնավորում ենք հաշվարկներով, որ եթե բարձրարժեք մշակաբույս է, 2-3 տարվա կարկտահարությունից պաշտպանված լինելն արդեն ծածկում է հակակարկտային ցանցի արժեքը»,– ասաց Իգնտի Առաքելյանը։
Կառավարությունն իր հաշվարկներն ու հիմնավորումներն առաջիկայում նախատեսում է ներկայացնել նաև գյուղացիներին։
Նոր ծրագրերին զուգահեռ կառավարությունն առաջիկա 3 տարվա ընթացքում մտադիր է խթանել նաև գյուղատնտեսական ապահովագրությունը։
«Այն պահից, երբ ապահովագրությունը կսկսի գործել, մենք կունենանք շատ ավելի մեծ հետաքրքրություն դեպի գյուղատնտեսությունը»,– նշեց նախարարը։
ԱԻՆ–ում էլ այս տարի աշնանը նախատեսում են Արագածոտնի և Արմավիրի մարզերում երկու նոր հակակարկտային կայան փորձարկել։ Եթե փորձնական այդ ծրագիրն արդարացնի սպասումները, նոր կայաններ կտեղադրվեն նաև ամբողջ հանրապետությունում ։
Սեպտեմբեր– հոկտեմբեր ամիսներին կառավարությունը խոստանում է արդեն տեսանելի արդյունքներ։
href="https://armeniasputnik.am/…/armenia-gyux-naxarar-video-sput…">
