ԵՐԵՎԱՆ, 4 օգոստոսի — Sputnik. Ծիրանի բերքն այս տարի, թեև շատ էր, բայց սպառվեց, քանի որ ծիրանն այն ապրանքն է, որի պահանջարկը Հայաստանում միշտ կա՝ անկախ բերքի ծավալից, Sputnik Արմենիայի հետ զրույցում ասաց գյուղնախարար Իգնատի Առաքելյանը` հավելելով, որ բերքի առատությունն ազդեց միայն գնի վրա, բայց մթերման խնդիր չառաջացավ։
Նույնը չի կարելի ասել, սակայն, գյուղատնտեսական այլ արտադրանքի, մասնավորապես` սմբուկի մասին, որի բերքն այս տարի նույնպես առատ է։
«Մենք վերջերս այցելեցինք Արմավիրի մարզ, որտեղ կա մեծ քանակությամբ սմբուկ, և մթերողը պատրաստ չէ այդ ծավալը սպառել»,– ասաց նախարարը։
Գյուղմթերքի իրացման շուկայում հիմական խնդիրն, ըստ նախարարի, սառնարանային տնտեսությունների բացակայությունն է, ինչը թույլ չի տալիս ստացված բերքը պահպանել սառնարաններում ու իրացնել աստիճանաբար։
«Հիմա մենք բանակցում ենք միջազգային ընկերությունների հետ, որ ծրագիր մշակեն և աջակցություն ցուցաբերեն, որպեսզի սառնարանային տնտեսություններ հիմնենք տարբեր մարզերում, որ կարողանանք ավելցուկ բերքը պահպանել»,– ասաց նախարարը։
href="https://armeniasputnik.am/…/armenia-gyux-naxarar-video-sput…">
